群組資訊
2009年9月29日 23:20 كيفية التعامل مع المواضيع (22 個評論)
- Adel
- 23, 埃及
كيفية التعامل مع المواضيع
السلام عليكم
بسم الله نبدأ
1:- كيفية الوصول للمواضيع فى الجروب
بص ياعمى فى كذا طريقة هنقولهم كلهم
اول طريقة دى لو انت لسة جديد ولسة مفيش علاقات وكدا هتتبع الخطوات دى
اول حاجة ادخل على الجروبات بتاعتك هتلاقيها فوق كدا خالص زى الصورة دى
بعد ما تدخل على الجروبز روح كدا يمين خالص هتلاقى
كل الجروبز اللى انت مشترك فيها
خش على جروبك المفضل
هتفتح ليك الصفحة الرئيسية للجروب
انزل كدا معايا هتلاقى كل المواضيع فى الجروب
وبكدا تكون دى اول طريقة
فى طريقة تانية من نفس الصفحة الرئيسية فى الجروب
هتروح على اليمين هتلاقى شوية اختيارات
اختار منهم فورمز اللى هى المواضيع
طب ياترى يادولا ايه هى الطرق التانية اللى قولت عليها ؟
انت ممكن تدخل المواضيع بكل سهولة عن طريق رسالة
وصلتك من الادارة يكون فيها موضوع مثلا الادارة بتعلن عنه
او لو انت دخلت قبل كدا ورديت على الناس
هتلاقى الناس هترد عليك عن طريق تصفح ردودهم هتوصل للمواضيع بكل سهولة
2:- ازاى تفتح الموضوع وترد عليه
الموضوع سهل جدا بص الاول كدا على الصورة دى
1 لو عاوز تعمل فوت اب للموضوع لو عجبك
2 عشان ترد على الموضوع
3 ده بئة لو الموضوع فى حاجة مخالفة وحبيت تبلغ عنه
4 فوت داون لاى موضوع مش عاجبك
5 تقدر برده ترد على الموضوع عن طريقها
6 لو حبيت تعمل بلوك لصاحب الموضوع
طب ينفع ارد بطريقة تانية ؟
اه ينفع انزل تحت خالص هتلاقى صندوق الرد اكتب وابعت ردك على طول
بس خللى بالك الطريقة دى تنفع لو انت بترد على الموضوع لاول مرة
يعنى ايه ؟
فى نقطة مهمة بيقع فيها كل الناس الجديدة وانا وقعت فيها برده بصراحة
انه بيرد عن طريق صندوق الرد اللى تحت على طول حتى لو بيرد على رد سابق
طب يعنى اعمل ايه ؟
لو لاحظت هتلاقى كل كومنت او رد فى الموضوع تحتيه كلمة او اختيار اسمه ريبلاى
عشان ترد على اى كومنت او اى رد اعمل ريبلاى للكومنت اللى انت عاوز ترد عليه
وصلت ؟
3:- ازاى نعمل موضوع جديد
طبعا من الكلام اللى قولناه قبل كدا
تقدر تعمل موضوع جديد اما من بوست توبيك اللى فى صفحة الجروب
او بوست توبيك اللى فى صفحة المواضيع زى ما شوفنا مع بعض
عاوز تعمل موضوع جديد هتدوس على بوست توبيك
هتظهر ليك الصفحة دى بالشكل ده
وبكدا نكون قدرنا نتعامل مع المواضيع بشكل كامل
ناقص بس حاجة
وهى ازاى اقدر انسق الموضوع
ازاى احط صورة وهكذا
كل ده هنعرفه فى الدرس الجاى ان شاء الله
فى رعاية الله ويارب اكون قدرت اوصلكم المعلومة بشكل مفهوم
2009年9月30日 17:26Re: كيفية التعامل مع المواضيع
أنا عضو جديد
وشرحك وأرشاداتك أفادتنى كثيرا
اكثر من جروب رسلينى وأنالم ارسل الرد
شكرااااااااااااااااااااااااااا
2009年10月3日 0:40Re: كيفية التعامل مع المواضيع
في الفترة الاخيرة قرات بعض المواضيع الجميلة والمفيدة ولاحظت انها لا تاخذ حقها من النقاش ومن التجاوب بين الاعضاء وفي نفس الوقت اقراء مواضيع لا تستحق واشااهد تفاعلات معها وكثرة الردود فكيف تفسر هذة الظاهرة ولاحظت ايضا اختفاء بعض الاعضاء المميزين
انا عندما شاهت الجروب اول مرة شديني جدا ورايت روح جميلة بين اعضائة
2009年10月4日 22:56Re: Re: كيفية التعامل مع المواضيع
بس د كان فى فترة الحرب على غزة
ويظهر ساعتها الناس كلها مكنش عندها حيلة غير الكلام
بس فعلا دى كانت من افضل فترات الجروب
اما بخصوص موضوع ان فى مواضيع كتير مميزة مش بتاخد حقها
ده ممكن يكون بسبب مثلا انه طويل شوية
او ممكن يكون اتنسى فى وسط زحمة التوبيكات
وكمان للاسف المواضيع الجادة دلوئتى اصبحت غير مطلوبة
او غير جذابة
يعنى بعض الناس القليلة اللى ممكن تشارك فى توبيك جاد
2009年9月30日 0:31Re: كيفية التعامل مع المواضيع