العراق ...موضوع اتمنى من الجميع ال

انا برأيي اهم شي ان نتوحد مع بعضنا ونبتعد عن اي شكل من اشكال الطائفية فاذا توحدنا سنكون اقوياء ضد اعدائنا

ادعوكم كل الشباب العراقي ان تشاهدو الهوم بيج مالتي تشاركوني رايكم ومساعدتكم اليه والبلدكم

اخي وعزيزي استاذ محمد :

احنه خلي نبدي من مكان السؤال

احنه العراقيين معروفين بالاصول والاحترام

والموضوعيه مو بالله ؟

فلازم انكون امرتبين كدام العالم لان هذا موقع عالمي تقريبا

او احنا العراقيين اهل الاصول والترتيب


دا الاحظ شيلة الخشم ما اعرف على شنو
دا الاحظ الفيكات ما اعرف على شنو
دا الاحظ انه من تجي رسالة كومينت على الهوم بيج
مالتي المفروض ادبيا ارد عليهه او اروح للهوم بيج
مالت المرسل ايضا هم اجاوبه مو ؟
لانه هذا دليل على الاصول او احنه العراقيين اهل الاصول
مو بالله ؟
المفروض نبدي من الموقع انشوف التجفيص مالتنا او تالي انروح لقضاياابعد حتى الله ايوفقنا او لو تنكلب الدنيا الله
مرح ايوفقنا او اكو هيجي نفسيات بينا
العفو طبعا ما اقصد الكل
ولا اقصدك اخويه الغالي



او الله كريم او يرجع العراق او نرجع اسياد على الدنيا او احسن من قبل بعزه من رب العالمين وكرامه

سهله وين رح اتروحون يللي اذيتوا العراق اويلي عليكم يا عرب العد التنازلي بدا او سراكم جاي بحيل الله


الله كريم


الله على الظالمين اللي عاشوا على دماء العراقيين

ايصير خير

واو موضوع حلو صديقي و شي راقي منك و انشاء اللة
نتواصل اكثر بهيج مواضيع حساسة و حلوة
و اني اكول لو نعوف الكذب و نكون صادقين وية نفسنة اولا و بعدين وية الاخرين هوة هذة الحل و ان نتسامح و نفتح صفحة جديدة بعيد عن النفاق و الدجل و الركض ورة المناصب و الكراسي

رأي جيد جدا مشكورة على المشاركة وكلامج صحيح لان اغلب شعوب العالم انتصرت بتوحدها ...مشكورة على المشاركة واتمنى اسمع اراء الاخريين مع الشكر والتقدير

الله يحمي العراق

مشكورين على المشاركة

اني اسف اخوية حكمت ما ادري ليش اليوم بس شفت مشاركتك واعتذر لان ما رديت بس فعلا ما انتبهت عليها وما اعرف ليش بس اليوم شفتها مع العلم اني متابع الردود دائما
والله يا اخي كلامك صح وعلى عيني وعلى راسي يا ريت كل واحد بينا يرد على الهوم بيج مالته ويصير اكو فد تفاعل ويا اي نشاط واحدنا يشارك بيه مهما كان نوع هذا النشاط بس يا اخوية اكو من الناس من عنده من المشاغل ما يخليه يمكن ما يكدر مرات يرد او ما ينتبه يعني مو شرط تكون شيلة خشم او فيكات بس صدكني كل عراقي شايل هم يمكن بكد شعر راسه وهذا الي يخليك مرات تنسى تسال عن صديق او ترد على مشاركة
واشكرك عزيزي الغالي على ردك ومشاركتك
واتمنى للجميع التوفيق

الله يحمي العراق والعراقيين ويرجع الكل لبلدهم سالمين غانمين امين يارب الاعالمين ومايفرق اب وام عن اولادهم وقرة عيونهم

للشاعر العراقي معروف الرُّصافي رحمه الله *
يـا قـومُ لا تتكلمـوا إن الكـلامَ محَـرّمُ !

ناموا ولا تستيقظـوا مـا فـاز إلا النـوّم !

وتأخروا عن كل ما يقضي بـأن تتقدمـوا

ودعوا التفهم جانبًا فالخيـرُ أن لا تفهمـوا

وتثّبتوا فـي جهلكـم فالشـر أن تتعلمـوا

أما السياسة فاتركـوا أبـدًا وإلا تندمـوا

ان السياسة سرها لـو تعلمـون مُطَلسـم

واذا أفضتم في المباح من الحديث فجَمْجموا

والعدلَ لا تتوسمـوا والظلـمَ لا تتجهمـوا

من شاء منكم أن يعيش اليوم وهو مكـرّم

فليُمْسِ لا سمعٌ ولا بصـرٌ لديـه ولا فـم

لا يستحـق كرامـةً إلا الأصـمُّ الأبـكـم

ودعوا السعادة إنما هي في الحيـاة توهّـم

فالعيش وهو منعّمٌ كالعيـش وهـو مذمّـم

فارضَوا بحكم الدهر مهما كان فيـه تحكّـم

واذا ظُلمتم فاضحكوا طربًـا ولا تتظلمـوا

وإذا أُهنتم فاشكروا وإذا لُطمتـم فابسمـوا

إن قيل هذا شهدُكـم مـرٌّ فقولـوا علقـم

أو قيـل إن نهاركـم ليـلٌ فقولـوا مظلـم

أو قيل إن ثِمادَكـم سيـلٌ فقولـوا مُفعَـم

أو قيل إن بلادكم يا قـوم سـوف تُقسَّـم

فتحمّـدوا وتشكّـروا وترنّحـوا وترنّمـوا !!

علم ودستور ومجلس امة = كل عن المعنى الصحيح محرف
اسماء ليس لنا سوى الفاظها =اما معانيها فليست تعرف
من يقرأ الدستور يعلم انه = وفقا لصك الانتداب مصنف!
بالله يا وزراءنا ما بالكم = ان نحن جادلناكم لم تنصفوا
ايعد فخرا للوزير جلوسه = فرحا على الكرسي وهو مكتف!?

وقال ايضا : وكم عند الحكومة من = رجال تراهم سادة وهم العبيد
عبيد للاجانب هم ولكن = على ابناء جلدتهم اسود
وليس الانكليز بمنقذينا وان = كتبت لنا منهم عهود
متى شفق القوي على ضعيف= وكيف يعاهد الخرفان سيد!?
اما والله لو كنا قرودا = لما رضيت قرابتنا القرود!!