اعرفي عريسك بدري بدري من طريقة اكله

اعرفي عريسك بدري بدري من طريقة اكله
1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول..

يبقى شخص معتدل في عواطفه
وقراراته ويبقى ده آخر
الرجال المحترمين..
يبقى لقطه واوعى يفلت من ايدك
كلبشي.. واستعجلي الزفاف والحياة هتبقى بمبي


2- إذا كان بيحب الأكل زي عينيه .. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه
وتضطرى تفوقيه بساندوتش لحمه مفرومه هههههههه..

يبقى إنسان طفس .. وهوائي ..
وطايش.. وأوعي تتجوزيه أحسن ياكلك وانتي نايمة ...؟؟


3- أما إذا كان مش مهتم بالمرة .. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان


يبقى إنسان مالوش لزمه .. وزي قلته.. وأنصحك بدل ما تتجوزيه إتبنيه
او اعطفى عليه وربيه ههههههههه ..
لانك للاسف هاتعيشي إنتي الراجل والست ف وقت واحد وهايبقى بركه البيت ههههه


4- أما إذا كان بياكل زى مايكون حد بيجري ورااااه او زى ماتكون دى اخر اكله له فى الدنيا وساعة الأكل
بيجيله حالة صرع معوي.. ويقوم من ع الأكل قبل أي حد تاني .


يبقى متسرع.. ومتهور في اتخاذ قراراته وممكن بعد الجواااز يكتشف انك لستى ملهمته..ولستى فتاة أحلامه ولستىِ حلمه .. ويروح مطلقك بالتلاتة..
إخلعي إنتي بدري أحسن لكرامتك.
5- أما إذا كان بياكل على مهله .. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .

حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة .. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟ وممكن مايقولش خالص يارررررررررربى
نظااااام شلل رعاش

بدري.... بدري....

وحفاظا على صحتك وكمان مرراتك

إخلعي يا أمي...


6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل .. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل . نظام حرب يعنى هههههههه

ده شخص عصبي جدًاااا.. ومع أول خناقة هايروح مناولك بالكرسي ف راسك أو بالسكينة ف عينك يعمل لك عاهة مستديمة وبعدين .. يهدى.. ويقول لك:
"سوووري يا روحي هي جت فيكي.. ماعليش"

""ماعليش برَّه يا حبيبي وخد الباب ف أيدك""

ولا ممكن يناولك بسلطانيه الشربه فى دماغك اقلها ارتجاج
وليه بس اقلبيه انتى من اولها هههههههه


7- أما إذا كان دايمًا قرفاااان دايمًا مش عاجبه العجب ولا الصيام ف
رجب.. يع..
الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع
مووووز.. أووووف.. الرز محصويل.. يامَّه المكرونة
معجنة..

إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة م العجيييين


والأحسن من ده كله.....
ملها القعدة فى بيت ابووووووووكى!!!!!

تحذير هام :هذا الموضوع للضحك فقط
رودى