عندك مشكله .. فى حاجه مضيقاك..اتفض�

اه يا فارس انا عندي مشكله بجد قابلتها واضايقت منها جدا واعتقد اننا مفروض لما بنكون ناس بجروب وعلي مستوي الحوار والنقاش اننا فكرنا يبقي عالي جدا وراقي يعني مثلا اذا فارس عامل توبيك وانا بشارك فيه او بقول رأي سواء انا اختلفت او توافقت مع الرأي لازم يكون بشكل مهذب واحترم ان التوبيك ليه شخص هو صاحبه واحترم وجوده واحترم كل الموجود دون افتعال مشكله مع شخص لمجرد اختلاف الرأي وده حصل معايا في جروب وشخص دخل قال رأيه وكان مخالف لرأي غيره واتهاجم ولما دفعت عنه لان التوبيك بتاعي لقيت المنظور انه يبقي فيه حاجه بيني وبينه ده بقا الفكر المتخلف ازاي اكون انسان راقي وعلي مستوي فكر وافكر بطريقه متخلفه ولا احترم اراء غيري سواء توافقنا او اختلافنا وطبعا سيبت الجروب وانا فعلا حزينه جدا لاني كنت اعتقد انا الفكر اعلي من اي شئ واننا هنا اصدقاء واخوات واصحاب وبنحترم بعض الي مالا نهايه

عندك حق يا وعد
الموضوع ده فعلا منتشر جدا بينا
انا طول حياتى عايش بره متغرب
بس حقيقى عمرى ما فكرت ان فى بعض الافكار العربيه عمتا بالطريقه دى
ودايما ابسط كلمه بتتقال اه دول فى بينهم حاجه
ومش بيراعوا مشاعر اى حد
وللاسف ان اغلب الناس بتصدق وممكن الموضوع يكبر وتبقى اشعه وعقده بعد كده
واوعدك انك تبقى مبسوطه معانا هنا ويكون ليكى الحريه الكامله فى رايك
ولو حد ضايقك متترديش فى الشكوى وطبعا حنضع حد للموضوع ده
تحياتى لموضوعك الشيق الجميل

والله يا فارس انا قلت قبل كده في توبيك ككان بيتكلم عن ده ان يا جبل ما يهزك ريح يعني كل واحد واثق من نفسه وعارف نفسه كويس ومش محتاج يبرر لاي حد اي تصرف او ينزل لمستوي تفكير ممكن يحتقره لان فعلا ده مش اسمه فكر عربي ده اسمه فكر متخلف لان طبعا مش كلنا سيئين النيه عشان نفكر في الناس بشكل غير لائق

عارف ومتاكد اننا مش كلنا كده
بس فى بعض المجتمعات دى بقت ظاهره
ولو كل واحد فكر فى نفس وفى مشاكله كلنا حنرتاح ومش حيبقى عندنا مشاكل
بالعكس ساعتها حيلاقى وقت انه يساعد غيره
بدل ما يتكلم عليه

السلام عليكم يا جماعه
انا قريت الكلام الحلو اللي موجود
انا من فضلكم بس عايزه اقول حاجه
اجمل شي انك تكون صداقه جميله ودي فرصه بيديها لينا الجروب يتعنا ... احنا موجودين مع بعض بنتناقش ونتكلم ونضحك ..... دي احلي حاجه .... فاالمفروض نحافظ عليها مش نضر بيها
اتمني من كل عضو في الجروب انه يتاكد انه موجود معانا واحد مننا كلنا مع بعض اخوات ولاد وبنات مفيش فرق احنا موجودين مع بعض نتكلم نعرف معلومه وكمان ممكن قوي ناخود حسانات وثواب كبير قوي
تحياتي ليكم
واتمني احلي وقت تقضوه معانا هنا
mona

وانا معاكى يا منى فى كل الكلام اللى قولتيه
وبتمنى كل الناس معانا تبقى مبسوطه

اكيد يا ميلانوووووووووو
ده هدفنا ان كل الموجودين معانا يكونوا في سعاده ويبقي وقتهم معانا احلي وقت
واحنا كلنا مع بعض هنا
واحد يا ميلانووووووووو

انا فى عندى مشكله مضايقانى اوى وياريات تقولولى لو انا صح ولا غلط
فى واحد حبنى حب جنون وكان امنيه حياته انه يرتبط بيا وهو انسان كويس جدا ومحترم
بس المشكله انى ماحبتهوش خالص ولا حسيت تجاهه بأى مشاعر
وانا صارحته بالكلام ده علشان اعرفه من الاول حقيقه مشاعرى من ناحيته
ومن ساعتها وهو بيحاول معايا انه يخلينى احبه
وانا اديت فى فرصه لنفسى علشان اتأكد من مشاعرى
بس لقيت انى مش بحبه خالص ولاحاسه من ناحيته يأى مشاعر
اصل الحب مش بالعافيه او بالاقناع ده احساس بييجى للواحد من غير مايفكر
وانا مش ممكن اعيش مع حد انا ماحبتهوش
بس انا حاسه بالذنب من ناحيته لانى عمرى ما احب اكون السبب فى زعل او ألم حد ودى اكتر حاجه بكرهها
بس ياترى مصارحتى ليه بمشاعرى من الاول صح ولا غلط؟؟

اولا انا اسف اننا اتاخرنا فى الرد عليكى
انتى صح طبعا
لانك صارحتيه من الاول ومخدعتهوش
تفتكرى لو كنت قولتيله بحبك وعلقتيه بيكى اكتر وبعدين سبتيه كان حيبقى الامه ازاى
طبعا كان حيتالم ويتعذب اكتر
يا ريت متحسيش بالذنب لانك عملتى الصح
وهو ربنا معاه انا عارف ان الامر حيبقى صعب عليه
بس هو حيرتاح بعدين لما يقابل انسانه تحبه بجد وتخلصه
واتمناله من قلبى كل خير
واتمنالك متعتبيش نفسك كتير

ميرسى اوى على رأيك يا فارس

احنا كا اصدقاء واخوات يا لميا
ربنا يوفقك يا رب وتقابلى الانسان اللى يستاهل مشاعرك الجميله
بس قوليلى بقى انتى بتغيبى عننا كتير ليه

معلش اصل امتحاناتى قربت
ادعيلى
ان شاء الله اول لما اخلص امتحانات هازهقك من الكومنتات
هههههههههه

يا رب يوفقك يا لميا
وباذن الله خير بس انتى بقى ركزى شويه ومش عاوز اشوفك فى زوربيا لغايه لما تخلصى
هههههههههههه
وبعد كده زهقينى براحتك

ههههههههههه
حاضر

يا ريت تسمحيلي اشاركك الرأي يا هنا وااقولك اننا انهارده بوقت صعب حد يلاقي فيه الحب الصادق او انك تلاقي انسان ممكن يحبك اكتر من نفسه لكن يا تري انتي ما حبتهوش لانك بتحبي او مشاعرك مرتبطه بحد ولا لمجرد انك مش حاسه بحاجه ناحيته وانتي خلاص قولتيله انك مش بتحبيه ورغم كده حاول يحببك فيه انا بصراحه بحترم مشاعره جدا لانها صادقه لكن انتي اديتي نفسك فرصه مثلا قبل ما تقوليله الكلام ده وبعدها لاقيتي نفسك مش قادره ولا صارحتيه لمجرد التصريح عن احساسك

ميرسى اوى لرأيك يا جميل
بصى انا صارحته من اول لما قاللى انه بيحبنى وقلتله انى معتبراه صديق فقط وعمرى مافكرت انى احبه
واديت لنفسى فرصه علشان احبه بس ماقدرتش لان مافيش توافق فى شخصيتنا

وانتى صح فعلا صعب الواحد دلوقتى يلاقى حب صادق بس انا مش بيأس وان شاء الله هلاقيه ويارب كل واحد يلاقى حبه الحقيقى
لان بصراحه الحب بتاع اليومين دول انا مش معتبراه حب لان كل واحد يكلم واحده فيقولها بحبك من غير مايكون فعلا بيحبها وكل ده بس علشان تعجب بيه

وميرسى مره تانيه لرأيك

ان شاء الله تلاقي الا بتتمنيه واكيد لسه انتي 16 سنه يعني هتمري بمراحل في عمرك كتير لكن هقولك لما توصلي لمرحلة النضج العاطفي هتعرفي فعلا تختاري صح وهتقولي لنفسك انك ما عرفتيش الحب الحقيقي الا بمرحله معينه واوعي تساليني عنها هي امتا لكن بكره هتعرفي وتقولي لنفسك وعد قالتلي الكلام ده مره مع كل الامنيات الجميله ليكي يا قمر

فكرة رائعة وتميز واضح فيك اخي العزيز فارس
وسعيد بالمشاركة معكم
الفارس

وانا اتشرفت بالتعارف عليك وبانضمامك لينا فى جروبنا المتواضع

الجروب حقا رائع ومن يديرة له ملكة التفكير والتدبير الصحيح والتميز الواضح بالنجاح ان شاء الله
الفارس العربي

بجد بجد موضوع شيق جدا يا فارس
انا كنت لسة هقولك واكلمك بس الى انا كنت عايز اقولهولك اننا عايزين نعمل توبيك للجرح او بمعنى اصح نحكى قصة تكون مضيقانة وعايزين نلاقى ليها حل حتى لو كانت مش لينا لو حتى لحد قريب مننا واحنا بردودنا هنعرف اية الصح واية الغلط لو فى مشكلة يبقى اكيد هيلاقى اكتر من راى وسعتها هتتحل مشكلتة يعنى انا واحد من الناس فى حاجة جويا نفسى احكيها لناس كتير عايز اشوف ردود بس متراجع فى الراى دة مش عارف لية هو بالنسبة ليا جرح بس انا عايز افهم حجات كتير قوى من خلال ناس كتير ممكن دة فعلا يتحقق من خلال توبيك يعنى الواحد مش هيلاقى حد يتريق ولا حتى يقول كلام يزعل هل هينفع بجد

احنا مش اطفال صغيرين علشان نخش نتريق على بعض
والتوبيك ده هدفه نفس فكرتك
ولو فرضنا ان فى حد بينا عمل كده
انا شايف انه المفروض ميبقاش بينا اساسا وينسحب من الجروب بهدوء
وتقدر تتكلم بحريه يا محمود

انا اسف يا فارس مكنش قصدى طبع كدا
ويا سيدى انا هبتدى وهستنى ردودكم

واحنا فى انتظارك يا محمود

بسم الله الرحم الرحيم
احب اشكر اخويا فارس على التوبيك الجميلة دة وانا هبتدى معاكم بقصة بس مش قصة تاليف بال بالعكس دى قصة وليا انا بمعنى اصح
قصة حب غامضة مش عارف ليها اى مرسى او بر
كنت بحب انسانة لدرجة الجنون كنت بحب انى اتحجج باى حاجة علشان ارفع سماعة التليفون واسمع صوتها كنت بحاول انى اعمل اى حاجة علشان اروح واشوفها لحد ما جية اليوم الى صرحتها بحبى لية كنت متردد كتير جدا كانت حسة بدة بس طبعا انا مكنتش متاكد من احساسها هل هيا هتبادلنى نفس الشعور ولا لا صرحتها وقلتلها كانت مرحبة جدا بالموضوع فى البداية كان مفجاة بالنسبة ليها قالتلى احنا نتكلم مع بعض نتعرف على بعض اكتر واكتر وفقت وكل يوم بيجيب يوم وبتعلق بيها اكتر واكتر لحد ما جية اليوم الى لقتها بتقولى انا اسفة انا حولت كتير انى اقرب منك بس معرفتش معرفتش ارد اقولها اية سكت ومشيت وكان نفسى انى اجرى عليها واترمى فى حضنها واقولها مش هقدر ابعد عنك حسيت انى سعتها هبقى ضعيف وفى نفس الوقت كنت بسال نفسى هيا قالت كدا لية مش لقى سبب لحد الان وبدات حياتنا ترجع تانى لحالتها الطبيعية ( هيا قربيتى )
نتكلم عادى جدا نتصل ببعض عادى بعيد عن اى كلام عن الحب بس من جويا بتعزب لحد الان بحب انى اشوفها لحد الان بحب انى اسمع صوتها وتجيب الايام حاسس انها عايزة تقولى انا اسفة الكلام الى بشوفة بيقول كدا الافعال الى بتصل بتدل على كدا
هل انا الى شايف انها عيزانى علشان لسة بحبها ؟
هل ينفع انى استمر بحبها بعد ما جرحت قلبى ؟
معتش قادر افكر ولا حتى قادر انى اقرب منها انا دلوقتى بحاول انى ابعد عنها باى تمن مش عرف
هل الى بعملة دا صحيح؟
انا اختصرت بما فية الكفاية وعايز اسمع بقى ردودكم لانى محتاج لتفسير

محمود اولا الحب مفهوش كبرياء
وانا شايف ان حلك بسيط
تكلمها تانى
ولو هى حقيقى ندمانه وبتحبك حترجعلك
والحب مفهوش عيب

اوك فارس انا اتمنى بس انا خايف اكون الى شيفة قدام عنيا قلبى هو الى بيدلنى علية وممكن تكون بتتعامل معايا عادى ودا الى مخوفنى انى اتكلم تانى سعتها هتعب بجد اكتر واكتر فمش عارف هلا افضل زى ما انا ولا اصرحها ويكون تانى جرح مش عارف

طيب بص يا محمود
حاول تبعد عنها شويه
انا عارف انه صعب
بس حاول
وشوف رد فعلها حيكون ايه
لو قربت وسالت يبقى فى امل واتشجع وكلمها
لكن لو مسالتش والامر بقى عادى بالنسبالها يبقى احسلك تبعد وتشوف حياتك

اوك فارس وشكرا على مساعدتك ليا

اتمنى السعاده من كل قلبى
وبالتوفيق يا محمود

يا رب

هاي يا جماعه
اولا كل سنه وانتم طيبين
والتوبيك منور بيكم
انا بعد ازنكم ليا رئي في الموضوع ده بتاعك يا محمود انا قريت اللي انت كتبته وكمان التعلقيات كلها .... انت سمعت رئي الولد وهتسمع رئي البنت
اولا انا محترمه جدا كميه الحب اللي جواك للبنت دي وخصوصا ان نيتك اكيد خير من نحيتها
وانا مع ميلانو لازم تبعد عنها شويه وشوف هي هتعمل ايه اكيد لو جواها نفس احساسك اكيد مش هتتردد تسئل عليك وفعلا ساعتها كلامها تاني واتشجع وقبل ما تكلمها لو فعلا هي انسان تستاهل كل الحب اللي جواك ليها
حاول تقرب منها في شي هي بتحبه .... يعني شوف هي بتحب تعمل ايه او ايه اقرب حاجه ليها وشاركها فيه صدقني دي بتفرق كتير قوي
هي ممكن تكون بتحبك بس مش عارفه تعبر عن اللي جواها او خايفه من حاجه لما تلئيك قريب منها وبتشاركها هموها واحزنها وافرحها .... او حتي ابسط شئ اكيد لو انسانه حساسه هتقرب منك .... ممكن يكون ادمها حد مش يستاهل بس عرف ازاي يقرب منها لكن لما تلئيك انت جمبها وقريب منها هتعرف مين اللي يستاهل تديله قلبها وهيحافظ عليك

ومتنساش تقولي بعد كده وصلت ل ايه ويارب تكون ايامك كلها سعاده وتنول اللي بتتمنا يا محمود عشان انت انسان حساس

ربنا يخليك يا مونى انا سعيد كل السعادة لانى بسم كلام حلو زى دة سواء منك او من فارس بجد بجد انا ارتحت شوية لان كلامكم مقنع جدا وان شاء الله يا ستى هوعدك انى اقولك اخر الاخبار شكرا يا مونى على كلامك الحو دة

انا فرحت لما شفت التوبيك لاني تعبت من التفكير وحابه حد يساعدني
على العموم هي قصتي انا بحب واحد وهو بحبني وصارلنا سنتين بس كل ماييجي بدوا يطلبني بموت حد من القرايب وبتاجل الموضوع واخر حد مات قبل 5 ايام هلا يوم العيد تخانقنا على حاجة تافهة وكبر الموضوع لشتيمة لاني انا كنت معصبة وانا بعترف زودتها بس كان رده انه زي ما بتحكي معي على التلفون يمكن تحكي مع غيري كتير انا طبعا جرحت كتير ومش قادجشتمته وسكرت بوجهه انا بصراحة تجرحت كتير ومش قادرة اسامحه مع انه كتير بيتصل وانا بسكر وما برد عليه
شو اعمل اسامحه بس خايفة اذا تجوزنا يعيدها ساعتها مش حتحمل

على فكرة يمكن اللي هاقوله غريب شوية
بس اسمعيني وفكري
كويس انك بتفكري في بكرة عندك حق
بس انتوا الاتنين غلتطوا دلوقت لما تكوني في بيته هيحصل ايه
هو غلط وانت غلطتي هو بيحاول يصلح وانتي بتكبري الموضوع
اسمعيه بعقلك مش بقلبك قبل ما تندمي
كل يوم بيعدي
لا كل ساعة بتكبر القصة
اسمعيه واعتذري على غلطك لو هو ندمان
كل واحد له تفكيره
هو بيغير عليكي مش بيشك فيكي
رجالة كتير مش زينا ما عندهم لغة الحوار
بيقول شئ بالنسبة لينا اهانة بس بيكون يقصد بيه شئ تاني
هما كلامهم بيكون جامد احيانا
بس لو دة رآيه بجد وبعد غلطك فيه مش هيسأل
انتى اديتي لنفسك الحق انك تحبيه ويحبك
يبقى قلبك ليه حق عليكي انك تحاولي تسعديه
بس تاني
اسمعيه
وفكري
وفكري
وفكري
بعقلك قبل ما تندمي
وربنا يوفقك يارب
ونشوف صورتك وانتي عروسة جميلة


Art Image - Upload and Share Images

الانسان لما بيحب بجد بيفقد عقله
مش بيبقى قادر يسيطر على مشاعره
كل همه انه يكون مع حبيبه
احيانا بيغير غيره جنونيه
وبيبقى عاوز يملك حبيبه لوحده
فكرى كويس قبل ما تخدى قرارك
واسمعيه كويس
وربنا يوفقك

مش عارفة اعمل ايه
مبارح قررت اني اسمعه ونحكي بجد بس ما حاول يتصل وانا مستحيل اني اكون المبادرة في الموضوع
بس ليش هو يئس اذا انا ما رديت عليه اول مرة وتاني مرة كان عليه يستمر وما ييأس
شو اعمل

ان شاء الله هيتصل
اصبري لو نصيبك معاه ولا ظروف الدنيا تفرق بينكم
بس لازم تصفي ذهنك علشان تعرفي تتصرفي
وتصفي قلبك كمان
وبالتوفيق
مش هينساكي
اللي بيحب مش بينسى
واللي بيحب بيسامح

اوك شكرا على النصيحة ححاول اصفي ذهني مع انها فترة امتحانات وبجد متوترة ومش عارفة اعمل اي حاجة

ربنا يوفقك في الامتحانين
وتجيبي مجموع كبير

امين يارب
شكرا الك